Հունվարի-փետրվար ամիսներին Ոստիկանության Վաղարշապատի բաժին 8 տարբեր անձանց կողմից հաղորդագրություն է ստացվել, որ նրանց մեքենաները հափշտակել են:
Տուժողները, սոցկայքերում իրենց մեքենաներով վարորդ աշխատելու առաջարկներով հայտարարություններ էին տեղադրել: Մեկը զանգահարել է նրանց, ներկայացել գործարար, առաջարկել հանդիպել: Հանդիպման ժամանակ մեկը ներկայացել է գործարարի օգնական, առաջարկել իրեն տալ մեքենան` Ջրվեժում գտնվող գործատուի առանձնատուն տանելու համար, նրան էլ առաջարկել էլ օգնականի վարորդի հետ գալ Արմավիր` իր հետ հանդիպելու համար: Հասել է Արմավիր, զանգել է, սակայն համարն այլեւս չի պատասխանել: Այս տարբերակով հափշտակվել է 16 մեքենա: Ոստիկանությունը առեւանգված մեքենաներից մեկը գտավ Վաղարշապատին հարակից գյուղերից մեկում:
Կազմակերպիչը` ավազակային հարձակման մեջ մեղադրվող Արշակ Թամրազյանն է, որը ցուցումները տալիս էր քրեակատարողական հիմնարկից: Պարզվեց, որ հենց նա է զանգեր կատարել ՔԿՀ-ից, եւ ներակայացել որպես գործարար: Առաջինը բերման ենթարկվեց Սարգիս Գաբրիելյանը, որը հայտնաբերվեց գողացած Տոյոտան վաճառելիս: Բերման ենթարկվեցին նաեւ խմբի մյուս անդամները` 31-ամյա Արամ Միսակյանին եւ Մելսիկ Պողոսյանին:
16 մեքենաներից 14-ը հայտնաբերվել են, քննությունը շարունակվում է:
