Ազատության հրապարակից մեկնարկել է «Օհանյան-Րաֆֆի-Օսկանյան» դաշինքի համախոհների երթը Երեւանի կենտրոնով (ֆոտոռեպորտաժ):
Հանրահավաքը վարող Արմեն Մարտիրոսյանը հայտարարել է, թե երթի ուղին անցնելու է Մաշտոցի պողոտայով, Ամիրյան փողոցով, Հանրապետության հրապարակով, Նալբանդյան փողոցով, Սայաթ Նովա պողոտայով, ապա երթի մասնակիցները վերադառնալու են Ազատության հրապարակ:
Երթի առաջին շարքերում են Վարդան Օսկանյանը, Ռազմիկ Պետրոսյանը, Սեյրան Օհանյանը եւ նրա կինը՝ Ռուզան Խաչատրյանը: Վերջինս, ի դեպ, քարոզարշավի ընթացքում առաջին անգամն է, որ ուղեկցում է ամուսնուն եւ մասնակցում հրապարակային միջոցառման:
Նշենք, որ այսօր ՕՐՕ դաշինքը հանրահավաք էր հրավիրել Ազատության հրապարակում: Ելույթ են ունեցել Մանվել Եղիազարյանը (Արաբոյի Մանվելը), Անահիտ Թարխանյանը, Վարդան Օսկանյանը, Րաֆֆի Հովհաննիսյանը, Սեյրան Օհանյանը եւ այլք:
.jpg)
