Ռուսաստան- ՆԱՏՕ խորհրդի նիստը ՝դեսպանների մակարդակով, կանցնի մարտի 30-ին դաշինքի բրյուսելյան շտաբ բնակարանում։ Այս մասին հայտնել է ՆԱՏՕ-ի գլխավոր քարտուղար Ենս Սթոլթենբերգը։
Նիստի շրջանակում քննարկվելու են ուկրաինական ճգնաժամը, իրավիճակը Աֆղանստանում, այդ թվում ահաբեկչական սպառնալիքը, նաեւ Ռուսաստանի ռազմական ակտիվության թափանցիկության հետ կապված հարցերը եւ զինված հակամարտության պատահական առաջացման վտանգը սահմանափակելու մեխանիզմները։ ՆԱՏՕ-ն նաեւ շահագրգռված է Ռուսաստանի հետ տեղեկություններ փոխանակել սեպտեմբերին Բելառուսում ծրագրված լայնածավալ «Արեւմուտք-2017» ռուսական զորավարժությունների թեմայով։