Ղարաբաղյան կարգավորման մասին մադրիդյան սկզբունքները քննարկումների ոչ թե վերջը, այլ սկիզբն են։ Այս մասին մարտի 28-ին լրագրողներին ասել է «Օհանյան- Րաֆֆի- Օսկանյան» դաշինքի առաջնորդներից մեկը՝ նախկին արտգործնախարար Վարդան Օսկանյանը Երեւանի կենտրոնական փողոցներում դաշինքի երթի ժամանակ։
Նրա խոսքով, Մադրիդյան սկզբունքները ներառում են Լեռնային Ղարաբաղի ինքնորոշման հարցը։ Բայց այդ սկզբունքները վերջնական կետը չեն, այլ հակառակը՝ ելակետ հետագա քննարկումների համար։ «Դրան պետք է հաջորդեն լայն քննարկումներ հասարակության մեջ»,- հավելել է նա։