Իտալական ոստիկանությունը ձերբակալել է մի խումբ մարդկանց, որոնք ծրագրում էին գողանալ Ferrari ընկերության հիմնադիր Էնցո Ֆերարիի աճյունը ու դրա դիմաց փրկագին պահանջել, հայտնում է Reuters–ը։
Ոստիկանության ներկայացուցիչների խոսքով, հանցագործների ծրագիրը բացահայտվել է մեկ այլ գործով հետաքննության ընթացքում, որը վերաբերում էր զենքի ու թմրադեղերի փոխադրմանն ու վաճառքին։ Այլ մանրամասներ իրավապահները չեն հայտնել։
Էնցո Ֆերարին մահացել է 1988-ին 90 տարեկանում։ Նա թաղված է Մոդենում Սան Կատալդո գերեզմանոցում ընտանեկան դամբարանում։