Խաղաղ Օվկիանոսում՝ Կամչատկայի Ուստ Կամչատսկ ավանից ոչ հեռու, 6.7 մագնիտուդով հզոր երկրաշարժ է գրանցվել: Բնակավայրում ցնցումները զգացվել են 5 բալ ուժգնությամբ: Այս մասին գրում է ՏԱՍՍ-ը:
Երկրաշարժը գրանցվել է տեղական ժամանակով 16:09-ին: Ցունամիի վտանգ է հայտարարվել:
Սեյսմոլոգները նաեւ մի քանի կրկնակի ցնցում են արձանագրել՝ մինչեւ 5 բալ ուժգնությամբ, որոնց հետեւել են ավելի թույլ հետցնցումները:
Կամչատկայի երկրամասի սոցծրագրերի նախարար Սերգեյ Խաբարովը տեղեկացրել է, որ բնակավայրերում զոհեր եւ ավերածություններ չկան:
