Աֆրոամերիկացի Դեւիդ Լամբերթը Tesla ընկերության դեմ դատական հայց է ներկայացրել։ Նա պնդում է, որ ղեկավարությունը բավականին միջոցներ չի ձեռնարկել, որպեսզի պաշտպանի իրեն մյուս աշխատակիցների կողմից ծաղրանքներից ու ռասսայական խտրականությունւց, հաղորդում է New York Daily News-ը։
Հայցը ներկայացվել է ԱՄՆ Կալիֆորնիա նահանգում՝ տղամարդու անունից՝ հասարակական կազմակերպության կողմից, որը մասնագիտացված է աշխատողների իրավունքների պաշտպանության վրա՝ կապված ռասսայական, գենդերային, կրոնական կամ ազգային խտրականության հետ։
Ըստ փաստաթղթերի՝ Լամբերթը Ալաբամա նահանգից Կալիֆորնիա է տեղափոխվել 2012-ին եւ աշխատանքի ընդունվել Tesla-ում։ 2015-ի հունիսին նա առաջին անգամ ընկերության ղեկավարությանը տեղեկացրել է, որ գործընկերների կողմից ռասսայական խտրականության է ենթարկվել, ինչպես նաեւ բողոքել, որ նրանք մշտապես գործածում են ԱՄՆ-ում սեւամորթների համար վիրավորական արտահայտություններ։
Լամբերթը պնդում է, որ Tesla-ի ղեկավարությունը բավականին ջանքեր չի գործադրել՝ իրենց գործընկերների կողմից ծաղրանքների ենթարկվելուց ազատելու համար։ Նրանցից ոմանք նույնիսկ նոր պաշտոններ են ստացել։ Տղամարդը նաեւ տեսագրություն է ներկայացրել, որտեղ ընկերության աշխատակիցներից մեկը սպառնում է Լամբերթին «կտոր-կտոր անել»։
Tesla-ի ներկայացուցիչները հայտնել են, որ արդեն պարզաբանումներ են իրականացրել՝ կապված Լամբերթի բողոքների հետ եւ աշխատանքից հեռացրել մի քանի աշխատակցի։