ԱՄՆ Տեխաս նահանգում մահացու ելքով վթար է տեղի ունեցել՝ «տորնադոյի որսի» ժամանակ, հաղորդում է Dallas News-ը։
Նշվում է, որ միջադեպը տեղի է ունեցել նույն օրվա երկրորդ կեսին, երբ հայտարարվել է մրրիկի մոտենալու մասին։ Տեղի ժամանակով մոտ 15:30-ին Դիքենս շրջանի Սփեր քաղաքից 5 կմ հեռավորությամբ երկու ավտոմեքենա են միմյանց բախվել։ Դեպի հյուսիս ուղեւորվող Suburban մակնիշի սեւ ավտոմեքենային խաչմերուկում բախվել է նույն գույնի ջիփ, որը շարժվում էր արեւմտյան ուղղությամբ։
Ավտոմեքենաներում ընդհանուր առմամբ 3 մարդ է գտնվել, ովքեր տեղում մահացել են։ Նրանցից երկուսն աշխատել են Weather Channe հեռուստաալիքում։ Բոլոր զոհերն էլ «տորնադոյի որսորդներ են եղել»։ Նրանց անունները չեն նշվում։