Ընտրակաշառքը հորինել է ընդդիմությունը: Այս մասին, այսօր՝ մարտի 29-ին, լրագրողների հետ հանդիպման ժամանակ հայտարարել է Արագածոտնի մարզի ընտրական տարածքում ՀՀԿ կողմից առաջադրված թեկնածու, ԲՀԿ խմբակցության պատգամավոր Արագած Ախոյանը:
«Քանի որ մարդկանց սոցիալական վիճակը ծանր է, ընտրակաշառքի լուրերի նպատակը միակն է, ժողովրդին պահել ինչ որ մի սահմաններում... Այնպիսի մարդիկ են բաներ խոստացել, որ նույնիսկ տրանսպորտի փող չունեն, թեկնածուներ, որ ուղղակի աբսուրդ է: Դրա համար ես եկել եմ էն եզրակացության, որ դա հորինել է ընդդիմությունը, որ չիմանալով ինչ է անում, ժողովրդին պահի ռամկաների մեջ մինչեւ վերջին օրը, որ հետո կասի՝ կներեք չեղավ»,-հայտարարեց պատգամավորի թեկնածուն:
Նա նաեւ կարծիք հայտնեց, որ ՀՀԿ-ի համար կանխատեսում է 50+3 տոկոս արդյունք: