Անցյալ տարվա ապրիլին Լեռնային Ղարաբաղի եւ Ադրբեջանի Զինված ուժերի շփման գծում ողբերգական իրադարձությունները ուղղված էին ղարաբաղյան հակամարտության կարգավորման ուղղությամբ ԵԱՀԿ Մինսկի խմբի ջանքերի գլխատմանը եւ գործընթացից միջազգային հանրությանը հեռու պահելուն: Մարտի 29-ին կայացած մամուլի ասուլիսի ժամանակ այս մասին հայտարարեց Միջազգային ճգնաժամային խմբի Եվրոպայի եւ Կենտրոնական Ասիայի ծրագրերի ղեկավար Մագդալենա Գրոնոն:
Նրա խոսքով` Սանկտ Պետերբուրգում եւ Վիեննայում կարգավորման գործընթացից միջազգային հանրությանը հեռու պահելու փորձեր են եղել: «Մենք տեսնում ենք, որ կողմերի միջեւ վստահության բացակայությունը մի իրավիճակի է հանգեցնում, որում հստակ չէ, թե առաջին քայլն ով պետք է անի: Ներկայումս ղարաբաղյան հարցի կարգավորման հույսը լիովին բացակայում է, իհարկե` կողմերի վստահության վերականգնման համար քայլեր արվում են, սակայն կայուն քննարկման հարթակ չկա»,- նշեց նա:
Գրոնոյի կարծիքով` անհրաժեշտ է ղարաբաղյան հակամարտության կարգավորման գործընթացը խթանել. «Լավատեսություն է ներշնչում, որ նախատեսվում է արտաքին քաղաքականության գերատեսչությունների ղեկավարների հանդիպում բարձր մակարդակով հանդիպումը նախապատրաստելու համար: Բայց կցանկանայի հիշեցնել այս ֆոնին հնչող նախկին կոչերը խաղաղ կարգավորման գործընթացի համար նախապայմանների ապահովման մասին»:
