Հայաստանի իշխանությունները թույլ են տվել ե՛ւ վատ նշանակումներ, ե՛ւ վարչական միջամտության դեպքեր, բայց նրանք ընդունում են իրենց սխալները եւ շտկում են դրանք: Այս մասին մարտի 29-ին Կոտայքի մարզ կատարած աշխատանքային այցի ժամանակ ասաց ՀՀ վարչապետ, ՀՀԿ առաջին փոխնախագահ Կարեն Կարապետյանը:
«Մենք պետք է ապագայի տեսլական ունենանք: Եվ այն վեց ամսվա ընթացքում, որ սկսել ենք աշխատել, կատարել ենք այն ամենը, ինչ խոստացել ենք: Ես գիտեմ, ինչ կարելի է կատարել մեկ օրում, ինչ՝ մեկ շաբաթում, ինչ՝ մեկ տարում: Եթե ժամկետները չպահպանենք, ապա ավելի շուտ առաջ կընկնեք, քան հետ: Հաստատ հետ չենք ընկնի: Քանի որ մենք ռեալ ժամկետներ ենք նշում: Բայց մենք ձգտում ենք ճիշտն ասել, ոչ թե արհեստականորեն դուր գալ»,- նշել է Կարապետյանը: