«Ազատ դեմոկրատները» միակ ուժն են, որ խոսում են ստվերի մասին: Այս մասին այսօր՝ մարտի 29-ին, լրագրողների հետ հանդիպման ժամանակ ասել է «Ազատ դեմոկրատներ» կուսակցության փոխնախագահ Անժելա Խաչատրյանը:
«Եվրոպական միության լիիրավ անդամակցության եւ ԵՏՄ-ից դուրս գալու մեր ծրագիրը, ուղերձը հասել է ընտրողներին: Մենք թերեւս միակ ուժն ենք, որ ներկայացրել ենք կառավարության գործունեության ծրագիր, որտեղ հստակ բյուջետային հաշվարկներ են արվել, որն արել է մեր վարչապետի թեկնածու Հրանտ Բագրատյանը: Մենք միակ ուժն ենք, որ խոսում ենք ստվերի մասին եւ գիտենք՝ ինչպես այն վերացնել, որի արդյունքում մենք կարող ենք ՀՀ յուրաքանչյուր քաղաքացու կյանքը բարելավվել 34 տոկոսով»,- ասաց Անժելա Խաչատրյանը:
Նրա խոսքով, տարածքային զարգացման հետ կապված իրենց ծրագրում հստակ նշված է համայնքների զարգացումը. «Համայնքների խոշորացման օրինագծին ինչպես դեմ ենք քվեարկել, այնպես էլ այդ հարցը պատրաստվում ենք բարձրաձայնել առաջիկայում: Մեր շանսերը բարձր ենք գնահատում: Գիտենք թե մեր նվազագույնի, թե առավելագույնի շեմը»,-ընդգծեց կուսակցության փոխնախագահը:
