Համացանցում տեսագրություն է հայտնվել, որտեղ հնդկական գյուղի բնակիչները արքայական կոբրային փրկում են ծարավից, հաղորդում է «ՌԻԱ Նովոստի»-ն։

Որպես կանոն՝ արքայական կոբրաները խուսափում են մարդկանց հետ շփումից, բայց շոգն ու ջրին պակասը կենդանուն ստիպել են մոտենալ բնակավայրին։ Տեղի բնակիչները ոչ միայն չեն վախեցել օձից, այլեւ օգնել են նրան։ Տեսագրությունում երեւում է ՝ ինչպես է մի տղամարդ բռնել նրա պոչը, իսկ մյուսը զգուշորեն խմեցնում է շշով։

Նշվում է, որ հնդիկները կոբրային կենդանիների խնամքի հատուկ հաստատություն են տեղափոխել։