Թուրքիայի Մունզուրի համալսարանի կողմից Գերմանիայի խորհրդարանի թուրք պատգամավոր Ջեմ Օզդեմիրին շնորհված պատվավոր դոկտորի կոչումը չեղարկվել է։

Թուրքական Yeni Safak պարբերականի փոխանցմամբ՝ Մունզուրի համալսարանի տարածած հայտարարության մեջ նշվել է, թե Գերմանիայի խորհրդարանի պատգամավորին դեռեւս 2008 թվականին շնորհված պատվավոր դոկտորի կոչումը չեղարկվում է, քանի որ նա իրականացրել է Թուրքիայի հանրապետությունը նվաստացնելու քաղաքականություն։

Նշենք, որ 2016-ին Գերմանիայի Բունդեսթագում ընդունված Հայոց ցեղասպանության բանաձեւի հեղինակներից մեկը հենց Ջեմ Օզդեմիրն է։