Կոնդում այսօր հարձակման է ենթարկվել «Ազատության» թղթակից Սիսակ Գաբրիելյանը:
«Ազատության» փոխանցմամբ, ամեն ինչ սկսվել է այն բանից հետո, երբ իրենց թղթակիցը նկատել է, որ ընտրողները, նախքան տեղամաս գնալը, մտնում են ՀՀԿ-ից առաջադրված թեկնածու Հակոբ Բեգլարյանի շտաբ: Դուրս գալուց նրանցից մի քանիսի ձեռքին մեր թղթակիցը գումար է նկատել, որից հետո նույնպես մտել է շտաբ:
Տեղում գտնվող անձինք, նկատելով լրագրողին, պարզաբանել են, թե ոչ թե ընտրակաշառք են բաժանում, այլ աշխատավարձ: Այդ ժամանակ շտաբում գտնվող մի խումբ անձինք, այդ թվում՝ երիտասարդներ, հարձակվել են լրագրողի վրա, խլել հեռախոսը, սկսվել է քաշքշուկ եւ թղթակիցը աչքի հատվածում թեթեւ վնասվածք է ստացել: