News
Լրահոս
News
Երեքշաբթի
Օգոստոս 22
Տեսնել լրահոսը

Ապրիլի 2-ին՝ ժամը 22:00-ի դրությամբ Մարդու իրավունքների պաշտպանի թեժ գծին ստացվել է 49 ահազանգ: Ահազանգերից 17-ը հաստատվել է եւ արագացված ընթացակարգով ստացել լուծում: Դրանցից մեկով էլ խնդիրը լուծվել է ընտրատեղամաս իրականացված արագ արձագանքման այցի արդյունքում: Մյուս բոլոր ահազանգերը վերաբերել են իրավական խորհրդատվություն տրամադրելուն: Իրականացվել է նաեւ քաղաքացիների ընդունելություն:

Քրեակատարողական հիմնարկներում քվեարկության ընթացքի վերաբերյալ ահազանգեր չեն ստացվել:

Նշված 17 ահազանգերը վերաբերել են ընտրատեղամասերում կուտակման, տեխնիկական միջոցների  անսարքության, քվեարկության ընթացքի առցանց հեռարձակման խափանման, հաշմանդամություն ունեցող անձանց կողմից քվերակությունը կատարելու հարմարությունների բացակայության, ընտրացուցակներում գրառումների, քվեաթերթիկների հաշվարկին պատգամավորության թեկնածուին եւ վստահված անձին չթույլատրելու, ինչպես նաեւ քվեարկության վայրի հետ կապված հարցերին:

Պաշտպանի աշխատակազմի եւ Կենտրոնական ընտրական հանձնաժողովի համատեղ քննարկման արդյունքում ԿԸՀ-ի կողմից բոլոր տեղամասային ընտրական հանձնաժողովներին հանձնարարվել է հատուկ աջակցություն ցուցաբերել այն ընտրատեղամասեր այցելած հաշմանդամություն ունեցող անձանց, որոնք չունեն համապատասխան պայմաններ:

Մարդու իրավունքների պաշտպանի թեժ գծին ստացվել է հաշմանդամություն ունեցող անձանց քվեարկության համար անհրաժեշտ պայմանների բացակայության հետ կապված 5 կոնկրետ դեպքի վերաբերյալ ահազանգ, ինչպես նաեւ մեկ ընդհանուր բնույթի մտահոգություն: Բոլոր կոնկրետ դեպքերով քաղաքացիները տեղեկացվել են նշված աջակցության հնարավորության մասին:

Պաշտպանի աշխատակազմում գործող աշխատանքային խումբն ուսումնասիրել է ընտրական իրավունքի ենթադրյալ խախտումների վերաբերյալ զանգվածային լրատվության միջոցներում, սոցիալական ցանցերում տեղ գտած շուրջ 850 հրապարակում, որոնցից 325-ով խախտման վերաբերյալ տվյալները չեն հաստատվել, իսկ 131-ը պարունակել է հանցագործության առերեւույթ հատկանիշներ: Հանցագործության առերեւույթ հատկանիշներ պարունակող տեղեկությունները կուղարկվեն քրեական հետապնդում իրականացնող մարմիններին:

Շիրակի, Լոռու, Սյունիքի եւ Գեղարքունիքի մարզերին առնչվող 176 հրապարակման կապակցությամբ նախաձեռնվել են քննարկման ընթացակարգեր: Մասնավորապես, ուսումնասիրվել են Գեղարքունիքի մարզին վերաբերող 60, Շիրակի մարզին՝ 13, Սյունիքի մարզին՝ 53 եւ Լոռու մարզին առնչվող 50 հրապարակում եւ բանավոր բողոք: Համապատասխան աշխատանք է տարվել ընտրական հանձնաժողվների եւ ոստիկանության մարմինների հետ: Արդյունքում՝ արձանագրված խախտումներից 45-ով Գեղարքունիքում, 11-ով Շիրակում, 47-ով Սյունիքում եւ 21-ով Լոռիում  բարձրացված հարցերը հաստատվել են եւ ստացել են լուծում: 

Մարդու իրավունքների պաշտպանի աշխատակազմը հատկապես ուշադրությամբ է հետեւել է լրագրողների եւ դիտորդների աշխատանքի հնարավոր խոչընդոտների վերաբերյալ տեղեկատվությանը: Լրագրողի մասնագիտական աշխատանքի կամ դիտորդի լիազորությունների իրականացմանը խոչընդոտելը քրեորեն պատժելի է:

Ողջ օրվա ընթացքում Պաշտպանի աշխատակազմն անընդհատ կապի մեջ է եղել Եվրամիության պատվիրակության ներկայացուցչի  եւ ԵԱՀԿ/ ԺՀՄԻԳ դիտորդական խմբի անդամների հետ, որոնց պարբերաբար ներկայացվել են վերը նշված տեղեկությունները: Սույն ամփոփիչ հայտարարության տվյալները նույնպես կփոխանցվեն միջազգային գործընկերներին:

!
Այս նյութը հասանելի է նաև   Русский
Տպել
Կարդացեք նաև
Ամբողջ
Դպրոցների ՀՀԿ-ական բոլոր 30 տնօրենները հրաժարվեցին Իոաննիսյանի դեմ հայցերից
Նրանք բոլորը որոշել են հրաժարվել հայցից և լիազորել են իրենց փաստաբաններին այսօր դատարանում հանդես գալ իրենց անունից եւ հրաժարվել հայցերից…
Տնօրենները հրաժարվում են Դանիել Իոաննիսյանի դեմ հայցերից. դատը մեկնարկել է
Դատավորն այսօր հայտարարեց, որ իր վարույթում գտնվող մյուս տնօրեն հայցվորները նույնպես հրաժարվել են դիմումներից...
Դատախազությունը 30 քրգործ է հարուցել ընտրախախտումների վերաբերյալ
Ամփոփ տեղեկատվություն ապրիլի 2-ի ԱԺ եւ մայիսի 14-ի Երեւանի ավագանու ընտրություններում իրավախախտումների քննության ընթացքի եւ արդյունքների մասին…
ԵԱՀԿ/ԺՀՄԻԳ-ը հրապարակել է Հայաստանի խորհրդարանական ընտրությունների մասին ամփոփիչ զեկույցը
Զեկույցում նշվում է, որ ընդհանուր առմամբ ընտրությունների ընթացքում պահպանվել են հիմնական ազատությունները ...
Transparency international-ն անդրադարձել է Հայաստանում խորհրդարանական ընտրությունների ընթացքում խախտումներին
Հոկտանյանի խոսքով՝ ընտրողներին կաշառելու 90 դեպք է արձանագրվել...
«Քաղաքացի դիտորդը» 96 հայց է ներկայացրել ՀՀ վարչական դատարան՝ ԱԺ ընտրությունների խախտումների վերաբերյալ
Հիշեցնենք, որ ապրիլի 2-ին նախաձեռնության 2972 դիտորդներ դիտորդական առաքելություն են իրականացրել 1521 տեղամասերում...
Ամենաշատ
Partner news