Երեւանի Կենտրոն, Նորք–Մարաշ, Էրեբունի, Նուբարաշեն վարչական շրջաններն ընդգրկող թիվ 4 ընտրական տարածքում տարածքային թեկնածուներից, նախնական տվյալով, առավելագույն թվով քվեներ է ստացել ՀՀԿ տարածքային թեկնածու, Տրանսպորտի եւ կապի նախկին նախարար Գագիկ Բեգլարյանի եղբայրը՝ Հակոբ Բեգլարյանը՝ 26001 ձայն։ Երկրորդ տեղում կրկին ՀՀԿ–ական Հարություն Կարապողոսյանն է («Սնխչի Հարութ»)՝ 20306 ձայն։
«Ելք» դաշինքի ցուցակի երրորդ համար, ԱԺ պատգամավոր Նիկոլ Փաշինյանը ստացել է 11513 ձայն, նրա կուսակից Ալեն Սիմոնյանը ստացել է ընդամենը 1870 քվե։
«Ազատ դեմոկրատներից» առաջադրված, ԱԺ պատգամավոր Հրանտ Բագրատյանին օգտին քվեարկել է ընդամենը 1346 ընտրող։
«Ծառուկյան» դաշինքից առաջադրված թեկնածուներից առաջինը Նապոլեոն Ազիզյանն է՝ 4332 ձայն, երկրորդը՝ Վահե Էնֆիաջյանը՝ 3484 ձայն։
«Կոնգրես–ՀԺԿ» դաշինքի համապետական ցուցակի երրորդ համար, ԱԺ պատգամավոր Լեւոն Զուրաբյանը ստացել է 1401 ձայն։
Նշենք, որ թիվ 4 ընտրական տարածքում ՀՀԿ–ն ստացել է 53,210, «Ծառուկյան» դաշինքը՝ 27,289, «Ելք» դաշինքը՝ 17036, ՀՅԴ–ն՝ 5674 ձայն։
