Հայաստանի ԱԳ նախարարությունը ճշտում է Սանկտ Պետերբուրգում մետրոյի պայթյունի հետևանքով տուժածների շրջանում ՀՀ քաղաքացիների և ազգությամբ հայերի առկայությունը:
Այս մասին, այսօր՝ ապրիլի 3-ին, Twitter-ի իր էջում գրել է հայաստանի ԱԳՆ մամուլի քարտուղար Տիգրան Բալայանը:
Ավելի վաղ NEWS.am-ը հայտնել էր, որ Սանկտ Պետերբուրգի մետրոյում, այսօր՝ ապրիլի 3-ին, գործարկվել է պայթուցիկ 2 սարք՝ «Սեննայա հրապարակ» եւ «Տեխնոլոգիական ինստիտուտ» կայարաններում:
«ՌԻԱ Նովոստի»-ն հայտնում է, որ վիրավորների թվում երեխաներ կան: Նախնական տեղեկություններով՝ պայթյունների հետեւանքով զոհվել է առնվազն 50 մարդ, հայտնել է աղբյուրը: Պատահարի վայրում աշխատում է քննչական խումբը: Հարուցվել է քրեական գործ: