Պետերբուրգի մետրոյում ահաբեկչության զոհերի թիվը հասել է 14 մարդու։ Այս մասին հայտնել է ՌԴ Առողջապահության նախարար Վերոնիկա Սկվորցովան, հաղորդում է «ՏԱՍՍ»-ը։
«Այսօր կարելի է արձանագրել 14 մարդու մահ՝ 11-ը դեպքի վայրում, իսկ երեքը մահացել են հոգեվարքի մեջ գտնվելով։ Նրանցից մեկը մահացել է շտապ օգնության ավտոմեքենայում՝ հիվանդանոց տեղափոխելիս, իսկ երկուսը՝ հիվանդանոցներից մեկի ընդունարանի բաժնում՝ կյանքի հետ անհամատեղելի վնասվածքների հետեւանքով», - Պետերբուրգում ասել է նա լրագրողներին։
Նախարարի խոսքով՝ տվյալ պահին 49 մարդ է գտնվում հիվանդանոցում։ «13-ը դուրս են գրվել։ Բոլոր հիվանդներին զննում են լավագույն մասնագետները, դեղորայքով ու արյամբ բոլորն ապահովված են», - հավելել է Սկվորցովան։