Կենտրոնական ընտրական հանձնաժողովը հրապարակել է տեղեկություններ 2017թ. մայիսի 14-ի Երեւանի ավագանու ընտրությունների վերաբերյալ։
Ըստ այդմ՝ ոստիկանության տվյալներով, ընտրությանը մասնակցելու իրավունք ունեցողների թիվը 841 973 է։
Նախընտրական քարոզչության ժամանակահատվածում նախընտրական քարոզչության համար տրամադրվող վճարովի եթերաժամի ամենաթանկ սակագինը սահմանել են «Արմենիա»-ն ու «Շանթ»-ը՝ 100 հազարական դրամ մեկ րոպեի համար:
Հանրայիեն հետուստաընկերությունը եւ «Հ2»-ը սահմանել են 60 հազարական դրամ, «Հ3»-ը՝ 50 հազար դրամ, «Ա-Թիվի»-ն՝ 40 հազար դրամ, «Երկիր Մեդիան»՝ 25 հազար դրամ, «Արմնյուզ»-ը եւ «Ար»-ը՝ 20 հազարական դրամ, «Կենտրոն»-ը՝ 18 հազար դրամ եւ «Արարատ» հեռուստաընկերությունը՝ 10 հազար դրամ:
Ռադիոընկերություններից՝ «Ռադիոմարշալ» ռադիոծրագիրը՝ 2 հազար 500 դրամ մեկ րոպեի համար, «Հանրային» ռադիոն՝ 2 հազար դրամ, «Հայ էֆԷմ»-ը՝ 1800 դրամ եւ «Ռադիո Հայ»-ը՝ 1800 դրամ:
