Անկարան գրոհայիններ նախապատրաստելու նպատակով երկու ճամբար է կառուցում Իդլիբ նահանգում։ Նման գործողությունները խախտում են Սիրիայի ինքնիշխանությունն ու հակասում ՄԱԿ-ի ԱԽ բանաձեւերին։ Այս մասին «ՌԻԱ Նովոստի»-ին հայտարարել է Ռուսաստանում Սիրիայի դեսպան Ռիադ Հադադը։
«Թուրքիայի նաեւ սկսել է նոր հողեր զավթելու գործընթացը՝ Իդլիբ նահանգում բռնազավթելով Կըրբաթ եւ Աթմա շրջանները։ Թուրքական զորքերն այդ շրջանում գրոհայիններ նախապատրաստող երկու ճամբար են կառուցել, որոնք ներառվել են երկու նոր ահաբեկչական խմբավորումներում։ Դա ոչ միայն բարձրագոչ ագրեսիա է ընդդեմ երկրի ինքնիշխանության, դա բարձրագոչ ագրեսիա է ընդդեմ Սիրիայի ժողովրդի», — հայտարարել է դիվանագետը։
Նրա խոսքով՝ «Եփրատի վահան» գործողության ավարտի վերաբերյալ Թուրքիայի հայտարարությունները հակասում են տեղի ունեցող իրադարձություններին։
«Գործնականում թուրքական կողմը դուրս չի բերել իր զորքերը, որոնք տվյալ պահին գտնվում են Էլ-Բաբ քաղաքի հյուսիսում եւ Թուրքիայի դաշնակից հանդիսացող խմբավորումների միջոցով փորձում այնտեղ քաղաք կառուցել։ Ես նկատի ունեմ տվյալ շրջանում գտնվող ահաբեկչական խմբավորումները։ Եւ նման կերպ նրանք խախտում են Սիրիայի Արաբական Հանրապետության ինքնիշխանությունը», — ասել է դեսպանը։
