Գործարար Խաչատուր Սուքիասյանը հերքում է մամուլի տեղեկությունները, թե ինքն է լինելու «Ծառուկյան» դաշինքի՝ Երեւանի քաղաքապետի թեկնածուն:
«Իմ օրակարգում նման հարց չկա»,- NEWS.am-ին ասաց Խաչատուր Սուքիասյանը:
Նշենք, որ ըստ «Ժամանակ» թերթի՝ «Ծառուկյան» դաշինքի՝ Երեւանի քաղաքապետի թեկնածուն, չի բացառվում, լինի գործարար Խաչատուր Սուքիասյանը:
«Նա խորհրդարանական ընտրություններին եւս պետք է մասնակցեր «Ծառուկյան» դաշինքի ցուցակով, սակայն վերջին պահին հայտարարեց, որ առհասարակ չի մասնակցում ընտրություններին»,- գրել է թերթը:
Հիշեցնենք, որ Երեւանի ավագանու ընտրությունները կկայանան մայիսի 14-ին: Կուսակցություններն ու դաշինքները փաստաթղթերը պետք է Կենտրոնական ընտրական հանձնաժողով ներկայացնեն մինչեւ ապրիլի 9-ը: Այս պահին որեւէ քաղաքական ուժ ԿԸՀ չի դիմել: