Հայաստանում ռուսական Հարավային ռազմական օկրուգի «Էրեբունի» ռազմաբազայում ՄիԳ-29 չորրորդ սերնդի կործանիչի օդաչուները սկսել են ինքնաթիռը վարելու բարդ հնարքներ գործածելու հատուկ դասընթացները։
Ինչպես հայտնում է ՀՌՕ մամուլի ծառայությունը՝ օդաչուները կմարզվեն ստրատոսֆերայում ՝ ավելի քան 10 հազար մետր բարձրության վրա, գործի կդրվեն ինքնաթիռը բարդ եւ խմբակային վարելու տարրերը՝ մարտական օղակի հետ եւ նրա կազմում, ինչպես նաեւ մարտական շրջադարձները, թեքության մեծ անկյուններով սարերի վրա վայրէջքը եւ այլն։
Բարդ ու բարձրագույն հնարքները կմշակվեն ինչպես միայնակ, այնպես էլ խմբակային կարգով՝ առավելագույն բարձր եւ առավելագույն ցածր բարձրություններում։
Օդաչուները կմշակեն նաեւ գործողությունների բանաձեւեր օդում արտակարգ դրության դեպքում՝ ինչպես ավիացիոն տեխնիկայի չաշխատելը, ինչպես նաեւ զորավարժություններ՝ պայմանական հակառակորդի հարձակումներից խուսափելու համար։ Զորավարժություններ օդաչուները կկատարեն նաեւ վատ ու սահմանափակ տեսանելիության պայմաններում։
Զորավարժություններին կմասնակցեն 1–ին եւ 2-դ դասի օդաչուները՝ ավելի քան 500 ժամ ընդհանուր թռիչքով, ինչպես նաեւ 3-րդ դասի փորձառու օդաչուներ։