Մեր թիմը ստացել է մեր երկրում փոփոխություններ անելու քվեն, հետեւաբար, իմ հորդորը բոլոր մեր թիմակիցներին` աշխատանքային ռեժիմը հայտարարում ենք արտակարգ իրավիճակ: Այս մասին, այսօր՝ ապրիլի 6-ին, կառավարության նիստում հանձնարարականներին և օրակարգին անցնելուց առաջ հայտարարել է ՀՀ վարչապետ Կարեն Կարապետյանը (ֆոտոռեպորտաժ):
Շնորհավորելով իր գործընկերներին` ապրիլի 2-ի խորհդրարանական ընտրություններում հաղթանակի կապակցությամբ, նա նշել է. «Անցել են ընտրությունները, կարծում եմ, շատ ավելի հանդուրժողական մթնոլորտում: Մեր թիմը ստացել է մեր երկրում փոփոխություններ անելու քվեն: Այդ իսկ պատճառով իմ հորդորը բոլոր մեր թիմակիցներին` աշխատանքային ռեժիմը հայտարարում ենք արտակարգ իրավիճակ»:
«Էնպես որ, ուրախացնում եմ ձեզ, որ մեր ռեժիմը հավելյալ ծանրանում է»,- հավելել է նա:
Հիշեցնենք, որ ապրիլի 2-ին ԱԺ ընտրությունների նախնական արդյունքների համաձայն, ՀՀԿ-ն ստացել է խորհրդարանի 105 տեղերից 58-ը եւ կարող է ինքնուրույն ձեւավորել կառավարություն:
