Թուրքիան կոչ է անում Սիրիայում անհապաղ ոչ թռիչքային եւ այսպես կոչված անվտանգության գոտիներ ստեղծել: Այս մասին հայտարարել է Թուրքիայի նախագահի մամուլի քարտուղար Իբրահիմ Քալընը:
Նա նշել է, որ Սիրիայում ավիաբազայի վրա ԱՄՆ-ի հրթիռային հարվածը «դրական պատասխան էր Սիրիայում ռազմական հանցագործություններին»:
Ապրիլի 7-ի գիշերը ԱՄՆ-ը Իդլիբում ենթադրյալ քիմիական հարձակման պատրվակով հրթիռային հարված է հասցրել Սիրիայի ավիաբազայի վրա: Վաշինգտոնը կատարվածի պատասխանատվությունը դրել է Սիրիայի նախագահ Բաշար Ասադի վրա: Դամասկոսն իր հերթին հերքել է իր մասնակցությունը ենթադրվող քիմիական հարձակմանը: Դամասկոսում ԱՄՆ-ի գործողությունները գնահատել են որպես «ագրեսիա»՝ նշելով, որ այսկերպ գործելով՝ Վաշինգտոնը դառնում է ԻՊ-ի ահաբեկիչների գործընկերը: