Ուկրաինան ցորեն կարտահանի Ռուսաստան, Վրաստան ու Հայաստան` առանց ցորենի արտահանման վրա սահմանված քվոտաների: Այս մասին հայտնել է Ուկրաինայի ագրարային քաղաքականության նախարար Նիկոլայ Պրիսյաժնյուկը` Կիեւում կայացած ասուլիսում, հաղորդում է Golos.ua-ն:
Նրա խոսքով, այդ երկրներն արդեն հայտեր են ներկայացրել Ուկրաինային ցորեն ներկրելու համար եւ այդտեղ ցորենը կատրահանվի առանց հաստատված քվոտաների: Միաժամանակ, նախարարը չի հստակեցրել մատակարարումների ծավալները:
«Թե որքան ծավալի ցորեն կվաճառվի, ես հիմա չեմ կարող ասել: Դա կախված կլինի նրանից, թե ինչ ծավալների պայմանագիր կկնքվի: Միակ բանը, որ կարող եմ ասել, դա այն է, որ ցորենը կվաճառվի շուկայական գներով, իսկ պայմանագրերի կատարումը մենք կհանձնարարենք առեւտրային կառույցների»,- ասել է Պրիսյաժնյուկը:
Ավելի վաղ NEWS.am-ը հայտնել էր, որ հոկտեմբերի 7-ին Ուկրաինայի կառավարությունը մինչեւ տարվա վերջ քվոտաներ են սահմանել ցորենի արտահանման վրա: Ըստ այդմ, Ոկրաինայից պետք է առավելագույնն արտահանվի 2 մլն տոննա եգիպտացորեն, 500 տոննա ցորեն եւ 500 տոննա տարեկան:
Ուկրաինան մինչեւ այս տարվա սկզբից արդեն արտահանել է ավելի քան 5,5 մլն տոննա ցորեն: