Առնվազն 36 մարդ է զոհվել Ծաղկազարդի կիրակիի առիթով երկու եկեղեցիներում ժամերգության ժամանակ տեղի ունեցած պայթյունների հետեւանքով, փոխանցում է BBC-ի ռուսական ծառայությունը:
Առաջին պայթյունը որոտացել է Թանթա քաղաքի Սուրբ Գեւորգ ղպտիական եկեղեցում, որը Ալեքսանդրիայից 130 կմ հյուսիս-արեւելք է գտնվում: Այնտեղ տեղում 25 մարդ էր զոհվել: Եկեղեցու մեջ է եղել քրիստոնյա ղպտիների պատրիարք Թեոդորոս Երկրորդը: Պաշտոնական աղբյուրները հայտնել են, որ նա չի տուժել:
Որոշ ժամանակ անց տեղի է ունեցել երկրորդ ահաբեկչությունը՝ պայթուցիկ սարքը գործարկվել է Ալեքսանդրիայի Սուրբ Մարկոսի եկեղեցում: Այնտեղ զոհվել է 11 ծխական: