Եգիպտոսի նախագահ Աբդել Ֆաթթահ աս-Սիսին հայտարարել է երեք ամիս ժամկետով երկրում արտակարգ դրություն սահմանելու մասին՝ կիրակի ղպտիների եկեղեցու հարեւանությամբ իրականացված երկու պայթյունների պատճառով, որոնք ավելի քան 40 մարդ կյանք խլեցին: Այս մասին հաղորդում է BBC-ի ռուսական ծառայությունը:
Տանտա քաղաքում Ծաղկազարդի տոնին Սուրբ Գեորգիի եկեղեցի եկած 27 ուխտավորներ զոհվել են առաջին պայթյունի ընթացքում: Եվս 16 մարդ մահացել է Ալեքսանդրիայում Սուրբ Մարկոսի տաճարում պայթյունի ժամանակ: Զոհերի թվում է նաեւ մեկ ոստիկան, որը մահապարտին թույլ չի տվել եկեղեցի մտնել:
Հարձակման պատասխանատվությունը ստանձնել է «Իսլամական պետություն» ահաբեկչական խմբավորումը:
