Հունաստանի մայրաքաղաքում հույն ծայրահեղականները փորձել են արգելել երկրում գտնվող գաղթական մուսուլմաններին իրականացնել Կուրբան բայրամի տոնական նամազը։
Թուրքական Beyazgazete-ի փոխանցմամբ՝ Աթենքի 11 հրապարակներում մուսուլմանները կարողացել են իրականացնել իրենց տոնական նամազը, սակայն Ատտիկիի հրապարակում մահմեդականները ենթարկվել են ձվերով եւ մածուններով հարձակման։
Ատտիկի հրապարակում հունական ծայրահեղական «Խրիսի Ավգի» (Ոսկե լուսաբաց) խմբավորման անդամները փորձել են խանգարել մահմեդականների նամազը՝ նրանց վրա ձվեր եւ մածունով լի տարաներ նետելով։ Ոստիկանությունը ծայրահեղականներին կարողացել է հեռացնել հրապարակից եւ նամազը սկսվել է մեկ ժամ ուշ։