News
Լրահոս
News
Երկուշաբթի
Հունվար 21
Տեսնել լրահոսը

Ապրիլի 11–ին սկսվում են Չեմպիոնների լիգայի քառորդ եզրափակչի հանդիպումները: Այսօր «Յուվենթուսը» տանը ընդունելու է «Բարսելոնային», որին ժամանակից շուտ նախորդ տուրում փորձեցին թաղել: Վիճակահանությունը կույր ստացվեց՝ ուժեղագույները միմյանց հետ են:

Թիմերի ներկայիս վիճակը

«Բարսելոնան» իր լեգանդար հաղթանակից հետո մեկ անգամ չէ, որ հասցրել է տխրեցնել երկրպագուներին: «Դեպորտիվոյին» պարտվեց, վերջին տուրում էլ «Մալագային» չկարողացավ գոլ խփել ու պարտվեց, բայց մինչ այդ ջախջախեց «Սեւիլիային»: Դա խոսում է կատալոնական թիմի ոչ ստաբիլության մասին: Այն, որ թիմում առկա են խնդիրներ՝ կադրային, մարզչական, գուցե, ակնհայտ է: Իսկ անկայուն խաղը եւ գունեղ հաղթանակները պայմանավորված են լինում ոգեւորությամբ եւ, իհարկե, այս պահին աշխարհի լավագույն հարձակողական գծով: «Բարսելոնան», վերջին խաղում պարտվելով,  ձեռքից բաց թողեց Իսպանիայի առաջնությունւմ առաջատարի դիրքում հայտնվելու հնարավորությունը:

«Յուվենթուսի» մասին կարելի է ասել լրիվ հակառակը: Այս թիմը միշտ ստաբիլ գնում է դեպի չեմպիոնության եւ կասկած չկա, որ այս տարի էլ դա նրա կհաջողվի: Ալեգրիի թիմը տանը չի պարտվում  2015–ի օգոստոսից, իսկ Չեմպիոնների լիգայի շրջանակներում տանը պարտվել էր երկու տարի առաջ: Բացի այդ  «Յուվենթուսի» առաջատար մի քանի ֆուտբոլիստներ թիմի վերջին խաղը «Կյեվոյի» հետ բաց թողեցին: Թուրինյան թիմը կընդունի իր մրցակցին, հանգիստ, հանգստացաց:

Խաղի հնարավոր սցենարը

Նորություն չէ, որ «Բարսելոնան» առաջին րոպեից սկսած սիրում է հարձակվել, բայց «Յուվենթուս» էլ սիրում է պաշտպանվել: Եթե մոռանանք «Բավարիայի» հետ նախորդ տարվա խաղերը, ապա «Յուվենթուսին» դա միշտ հաջողվում է: Տանը, սեփական երկրպագուների աջակցության ներքո «Յուվենթուսը» կփորձի փակել «Բարսելոնայի» օդերը: Բաց խաղ, իհարկե, չի սպասվում: Եթե իտալացիները տանը ընդունեն երկու եւ ավելի գնդակ, ապա մեծ է հավանականությունը, որ պատասխան խաղում ասելիք չունենան: Մենք տեսանք, թե ինչպես «Բարսելոնան» տանը վեց գդակ ուղարկեց ՊՍԺ-ի դարպասը: Դա տեսավ նաեւ Ալեգրին, ով խաղից առաջ ասել է, որ միայն չեն պաշտպանվելու, այլ նաեւ փորձելու են «Բարսելոնայից» շատ գոլեր խփել:

Կազմեր ու մարտավարություն

«Բարսելոնան» իր սիրելի 4-3-3-ին չի դավաճանի նաեւ այս խաղում: Ահեղ եռյակին հետեւից կօգնեն Ինիեստան, Ռակիտիչն ու Գոմեսը, ամենայն հավանականությամբ: «Յուվենթուսի» դարպասները Բուֆոնից բացի պահելու են նաեւ Բոնուչին ու Կելինին (Սուարեսի աչքը լույս), Սանդրոն ձախից, Ալվեսը աջից: Հենակետայինում՝ Խեդիրա, Պյանիչ: Լիովին ապաքինվել է Մարիո Մանջուկիչը, ով Դիբալայի ու Կուադրադոյի հետ օգնելու է Իգուայինին, ով իր հերթին, իհարկե, «Բարսելոնայի» հետ խաղալու փորձ ունի, սակայն որքանով հաջող, դժվար է ասել:

Կանխատեսում

Առաջին խաղերի համար միշտ ավելի դժվար է կանխատեսում անել: Բայց ինչպես ասացի, բաց ֆուտբոլ չենք տեսնի: Խաղը կընթանա «Յուվենթուսի» թելադրանքով: Գոլերի հրավառություն չի լինի: Կարծում եմ՝ մեծ է հավանականությունը, որ երկու թիմերն էլ մեկական գոլ խփեն մրցակցին, կամ «Բարսելոնան» հաղթի մեկ գնդակի առավելությամբ: Կարծում եմ, որ «Բարսելոնայի» գոլի հեղինակը այնուամենայնիվ կլինի Մեսին:

Վերա Մարտիրոսյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
«59 հարց ֆուտբոլի մասին և ոչ միայն» Լիլիթ Մակունցի հետ
Այս և այլ հարցերի պատասխանը տվել է Հայաստանի Հանրապետության մշակույթի նախարարի պաշտոնակատար Լիլիթ Մակունցը...
«59 հարց ֆուտբոլի մասին եւ ոչ միայն» Էդուարդ Շարմազանովի հետ
Ո՞ւմ է նա համարում բոլոր ժամանակների լավագույն քաղաքական գործիչ...
«59 հարց ֆուտբոլի մասին և ոչ միայն»՝ Դավիթ Սանասարյանի հետ
Եղե՞լ է այնպես, որ նրա սերը մերժեն, պե՞տք է արդյոք հայերը հպարտանան Քիմ Քարդաշյանով, ի՞նչ խորհուրդ կտար ինքն իրեն 18 տարեկանում...
«59 հարց ֆուտբոլի մասին եւ ոչ միայն»՝ Նաիրա Զոհրաբյանի հետ
NEWS.am-ը վերսկսում է «59 հարց ֆուտբոլի մասին եւ ոչ միայն» հաղորդաշարը...
Լեգենդար Բատիստուտան՝ հայկական Վարդավառի եւ կովեր պահելու մասին (Ֆոտո)
Բատիստուտան պատմել է, որ այլեւս ֆուտբոլով չի զբաղվում․․․
Լեգենդների հանդիպմանը կնախորդեն մի շարք միջոցառումներ, այդ թվում համերգներ, վարպետության դասեր
Հիշեցնենք, որ բացի Լեգենդների խաղից, հուլիսի 6-8-ին առաջին անգամ Երեւանի պատմության մեջ կստեղծվի ֆան-գոտի, որը «Ազատության հրապարակում կընդունի բոլոր երկրպագուներին...
Ամենաշատ