News
Լրահոս
News
Չորեքշաբթի
Հուլիս 24
Տեսնել լրահոսը

Նոյեմբերի 16-ին ԵԽԽՎ-ում Հայաստանի հարցով համազեկուցող Ջոն Պրեսկոտը Մոնիտորինգի հանձնաժողովի նիստում հայտարարել է, որ 2008 թվականի նախագահական ընտրություններից հետո անազատության մեջ գտնվող ընդդիմադիր գործիչներին ազատ արձակելու հարցը լինելու է իր ուշադրության կենտրոնում, երբ առաջիկայում այցելի Հայաստան:

Այս մասին «Ազատություն» ռադիոկայանին հայտնել է ԵԽԽՎ-ում հայաստանյան պատվիրակության ղեկավար Դավիթ Հարությունյանը: Ըստ նրա, Պրեսկոտը Հայաստան կժամանի 2011-ի հունվարի վերջին կամ փետրվարի սկզբին, իրականացնելու հերթական մոնիտորինգային այցելությունը: Նա ընդդիմադիր գործիչներին ազատ արձակելու վերաբերյալ կոնկրետ ժամկետներ չի նշել:

Միջազգային տարբեր կառույցները եւ եվրոպացի պաշտոնյաները Հայաստան կատարած այցերի ժամանակ հաճախ են անդրադառնում անազատության մեջ հայտնված ընդդիմադիրների խնդրին:

«Պարզ է մի բան, որ այս փուլում գոյություն ունեն մի քանի եղանակներ, եւ դրանցից մեկը հավանաբար պետք է գործադրվի` մեկը պայմանական վաղաժամկետ ազատումն է, մյուսը ներումն է կամ համաներումը, եւ մյուսը` պատժի կրումը: Այս չորս եղանակներն են, որ նախատեսված են մեր օրենսդրությամբ: Համաներումը հանրապետության նախագահի իրավասության ներքո է, ներումը` նույնպես, բայց այս դեպքում անձը պետք է դիմի դրա համար: Ինչ վերաբերում է պայմանական վաղաժամկետ ազատ արձակմանը, ապա դա սովորական գործընթաց է, որն իրականացվում է, եւ կային անձինք, որոնք վերջերս ազատվել են», - նշել է Հարությունյանը եւ հնարավոր համարել, որ շարունակվի ընդդիմադիր գործիչների վաղաժամկետ ազատ արձակման գործընթացը:

Հիշեցնենք, որ վերջերս պայմանական վաղաժամկետ ազատ է արձակվել Հայ ազգային կոնգրեսի անդամ, ՀՀՇ Վանաձորի կառույցի ղեկավար Աշոտ Մանուկյանը, ով 2008 թվականին դատապարտվել էր հինգ տարվա ազատազրկման` իշխանության ներկայացուցչի նկատմամբ վտանգավոր բռնություն գործադրելու մեղադրանքով: Նա բանտում անցկացրել էր 2 տարի 8 ամիս:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
«Հրապարակ». Մրցույթի արդյունքները կանխորոշված են
Երեկ Ռադիոյի նախկին տնօրեն Գարեգին Խումարյանը հայտարարեց, թե ունի փաստեր, որ մրցույթի արդյունքները...
«Հրապարակ». Հոգեւորականները չեն գնացել Սրբազանին ողջունելու
Տեր Պարթեւն այդ օրը` հուլիսի 21-ին, Գավառի Սոցիալ-կրթական կենտրոնում հաշվետու ցուցահանդեսի է մասնակցել...
«Հրապարակ». Ագրարայինի մասնաշենքը՝ Ֆրանսիական համալսարանի՞ն
Այցն իրականացվել է արձակուրդային ժամանակահատվածում, որպեսզի խուսափեն ավելորդ աղմուկից: Սակայն...
«Ժողովուրդ». Փաշինյանի արձակուրդի հրամանները մաթեմատիկայի թեստ են հիշեցնում
Անհասկանալի է ՀՀ վարչապետի հրամանների ժամանակագրությունը, այն է՝ 2020 թվականին Փաշինյանը օգտվում է...
«Հրապարակ». Պատգամավորներին պարտադրել են մասնակցել կուսակցության տարածքային խորհուրդների ձեւավորմանը
Բանն այն է, որ լրանում է կուսակցության կանոնադրությամբ առաջադրված տարածքային խորհուրդների երկամյա...
«Ժողովուրդ». ՔՊ-ն Գյումրիում իշխանություն վերցնելու համար ոչնչի առջև չի կանգնում. Նորից ճնշում են «Բալասանյան» դաշինքին
Այդ նպատակով բազմիցս Գյումրի են գործուղվել ՔՊ-ական պատգամավորները՝ Կարեն Սարուխանյանի...
Ամենաշատ
Ֆոտոռեպորտաժներ