Բելառուսի նախագահ Ալեքսանդր Լուկաշենկոն ԵՏՄ Տնտեսական բարձրագույն խորհրդի նիստին ու ՀԱՊԿ երկրների առաջնորդների հանդիպմանը մասնակցելու համար Ղրղզստան է ժամանել որդու՝ Նիկոլայի հետ, հայտնում է ՌԻԱ Նովոստին։
Լուկաշենկոյի որդին հագնված էր համապատասխան ձեւով՝ մուգ գծավոր կոստյում ու բաց գույնի վերնաշապիկ։ Ընդ որում ՀԱՊԿ երկրների առաջնորդների հանդիպման պաշտոնական մասի ավարտից հետո Նիկոլային ուղեկցում էին թիկնապահները։
Ալեքսանդր Լուկաշենկոն հաճախ է իր որդուն իր հետ պաշտոնական ուղեւորությունների տանում։ Օրինակ 2015-ի սեպտեմբերին Լուկաշենկոն իր 11-ամյա որդուն ՄԱԿ էր բերել որպես պատվիրակ։