Թուրքիայի քաղաքականության մեջ Հայաստանի նկատմամբ նոր տենդենցների սպասելն անիմաստ է։ Այս մասին ապրիլի 17-ին լրագրողների հետ հանդիպման ժամանակ հայտարարել է ՀՀ ԳԱԱ Արեւելագիտության ինստիտուտի տնօրեն Ռուբեն Սաֆրաստյանը՝ խոսելով սահմանադրական բարեփոխումներից հետո թուրքական արտաքին քաղաքականության մեջ փոփոխությունների մասին։
Նրա խոսքով՝ Թուրքիան կշարունակի Մերձավոր Արեւելքում՝ Սիրիայում, Իրաքում ներգրավվելու քաղաքականությունը եւ կանի հնարավոր ամեն բան, որպեսզի Սիրիայում թույլ չտա քրդական ինքնակառավարում։ «Դա կլինի առաջինն ու ամենակարեւորը Թուրքիայի արտաքին քաղաքականության մեջ։ Հաշվի առնելով ինչպես Արեւմուտքի, այնպես էլ Ռուսաստանի հետ Թուրքիայի բազմաթիվ խնդիրները՝ չեմ կարծում, որ Անկարայից Երեւանի նկատմամբ նոր քայլեր սպասելու իմաստ կա»,-նշել է Սաֆրաստյանը։
Ըստ նրա՝ Հայաստանը Թուրքիայի համար առաջնային աշխարհաքաղաքական նշանակություն չունի։