Ամերիկյան Trans Am Worldwide ընկերությունը, որը մասնագիտացած է Chevrolet Camaro ավտոմեքենաների կարգավորմամբ, ներկայացրել է 455 Super Duty մոդելը: Մեքենան հագեցած է 1000 ձիաուժ հզորությամբ շարժիչով, հայտնում է Motor1-ը: Պրեմիերան տեղի է ունեցել Նյու Յորքի միջազգային ավտոսրահում:
Դիզայներները փոխել են մեքենայի արտաքին տեսքը, եւ այն նմանվել է Pontiac Trans Am-ի 1970 թվականի նմուշին: Ավտոմեքենան նոր օպտիկա է ստացել, կարբոնային սփոյլեր եւ թեւերով նոր կապոտ:
Մեքենայի դինամիկական բնութագրերը չեն բացահայտվում: Այն կթողարկվի սահմանափակ քանակով՝ 50 օրինակ, պատվերները կընդունվեն մայիսից: