Ուզբեկստանի նախագահ Շավկաթ Միրզիոեւը որոշել է չինովնիկներին անցկացնել 24 ժամյա աշխատանքային օրվա։ Այս մասին հայտնում է «Ֆերգանան»՝ վկայակոչելով իր ենթակաների նկատմամբ Միրզիոեւի հերթական քննադատության աուդիոձայնագրությունը։
Նախագահը հայտնել է, որ առաջիկա երկու տարիներին չինովնիկները օրական 24 ժամ են աշխատելու ու առանց իր թույլատվության ոչ ոք չպետք է համարձակվի տուն գնալ։ Պետական պաշտոնյաների աշխատանքը վերահսկելու համար շրջաններում ստեղծվելու են «հատուկ բաժիններ»։
Միրզիոեւը չի հստակեցրել, թե հատկապես ինչպես է մտադիր պատժել իր ենթականերին ու ինչպես է աշխատանքից հեռացնելու խախտում անողներին, եթե չինովնիկների ներկա կազմը փոխելու համար համապատասխան կադրեր չկան։ Ու նաեւ չի ասել, թե որտեղից են հայտնվելու «նոր, երիտասարդ» կադրերը։