ՄԱԿ-ում խորը մտահոգություն են հայտնել Կորեական թերակղզում աճող լարվածության կապակցությամբ ու բոլոր կողմերին կոչ են արել կրկնապատկել իրավիճակի կարգավորմանն ուղղված դիվանագիտական ջանքերը։
«Անցած օրերին հրթիռի վերջին արձակումը մտահոգում է»,- ասել է ՄԱԿ մամուլի քարտուղար Ստեֆան Դյուժարիկը Նյու Յորքում ճեպազրույցի ժամանակ։ Նա Հյուսիսային Կորեային կոչ է արել ձեռնարկել անհրաժեշտ քայլեր իրավիճակի դեէսկալացիայի համար, վերադառնալ երկխոսության՝ միջուկային զինաթափման շուրջ ու կատարել ՄԱԿ ԱԽ բանաձեւերի պահանջները։