Հայաստանում տեղակայված ռուսական Հարավային ռազմական օկրուգի ռուսական ավիաբազայում սկսվել են հատուկ տակտիկական զորավարժությունները՝ հետախուզական ստորաբաժանման զինծառայողների մասնակցությամբ, «Կամխուդ» բարձրալեռնային զորավարժարանում։

Ինչպես հաղորդում է ՀՌՕ-ի մամուլի ծառայությունը՝ մարտական նախապատրաստության գործընթացների ընթացքում հետախույզներն իրականացնում են պայմանական հակառակորդի տեղակայման շրջանի արգելափակման ու որոնման վերաբերյալ հանձնարարություններ, ինչպես նաեւ հարձակում դիվերսիոն-հետախուզական խմբի վրա, լեռնային-անատառային տեղանքում թաքցված զենք ու զինամթերքի որոնում, քարտեզի ու ժամանակակից GPS նավիգատորների գործածում։ Հետախուզյները նաեւ հանձնարարություններ են կատարում՝ կապված ձորերի ու կիրճերի հաղթահարման հետ։ 

Հետախույզները պետք է կատարեն մոտ 30 նորմատիվներ՝ հատուկ, տակտիկական, կրակային նախապատրատությունների եւ կարգապահության այլ ձեւերի վերաբերյալ, ինպես նաեւ ավելի քան 20 խոչընդոտ պետք է հաղթահարեն հետախույզի հատուկ լեռնային ուղու վրա։

Հատուկ տակտիկական զորավարժությունները ծովի մակարդակից 1,5 հազար մետր բարձրությամբ անցկացնելու դեպքում բոլոր զինծառայողները կիրառում են «Ռատնիկ» ժամանակակից սպառազինությունը։

Զորավարժություններին մոտ 500 զինծառայող է ներգրավված եւ ավելի քան 50 միավոր ռազմական տեխնիկա։