Թուրքիայի համար ՆԱՏՕ-ում անդամակցությունը շատ կարեւոր է եւ խոսել դաշինքից նրա դուրս գալու մասին ուտոպիա է։ Այս մասին ասել է Տնտեսական- քաղաքական հետազոտությունների հիմնադրամի արտաքին քաղաքականության բաժնի ղեկավար (Թուրքիա) Դիանա Յայլոյանը՝ Հայաստան-Թուրքիա հեռուստակամուրջի ընթացքում։
Նրա խոսքով՝ Թուրքիան ձգտում է մինչ 2023-ը տեղ զբաղեցնել աշխարհի տասը ուժեղագույն երկրների շարքում, այդ պատճառով էլ կփորձի բաերլավել հարաբերությունները ինչպես Ռուսաստանի, այնպես էլ Արեւմուտքի հետ։
Սակայն պետք է հիշել, որ Թուրքիան մի շարք բարեփոխումներ ձեռնարկեց Եվրոպայի խորհրդի ճնշմամբ։ Այժմ դրանք հանրաքվեի արդյունքում կփոփոխվեն։
«Ռուսաստանի հետ ճգնաժամը ցույց տվեց, թե որքան անկայուն է Թուրքիայի արտաքին քաղաքականությունը։ Այն մշտապես փոփոխվում է եւ հստակ կողմնորոշիչներ չկան», - նշել է Յայլոյանը։
Նա նաեւ նշել է, որ Թուրքիայում շատերը կողմ են քվեարկել սահմանադրական հանրաքվեին, քանի որ կարծում էին, որ մինչ այդ հասարակության լիարժեք անդամներ չէին։ Նրանք հավատում են, որ Էրդողանին կհաջողվի երկիրն առավել հզոր դարձնել։
