Թուրքիայի քաղաքականությունը մեծապես պայմանավորված է ներքին քաղաքականության տրամաբանությամբ եւ շահերով: Հայաստան-Թուրքիա տեսակամուրջի ժամանակ այսպիսի տեսակետ հայտնեց թուրքագետ Լեւոն Հովսեփյանը:
Նրա խոսքով՝ Թուրքիայի հակահայկական քաղաքականությունը կշարունակվի, եւ հիմքեր չկան խոսելու հայ-թուրքական հարաբերությունների բարելավման հեռանկարների մասին:
«Հարաբերությունների կարգավորման նախորդ փորձերից հիմք չի մնացել: Հակահայկական հռետորաբանությունը Թուրքիայում կշարունակվի: Այն ոչ միայն չի փոխվի, այլեւ, հնարավոր է, ավելի խորանա՝ հատկապես Արցախի ենթատեքստում»,- նշեց Լեւոն Հովսեփյանը: