Ուկրաինայում սկսվել են հայոց Ցեղասպանության 102-րդ տարելիցին նվիրված միջոցառումները, հաղորդում է AnalitikaUA.net-ը՝ վկայակոչելով Ուկրաինայի հայերի միության մամուլի ասուլիսին։
Ապրիլի 17-ին հայ համայնքի ու Զապորոժյեի Հայ առաքելական եկեղեցու նախաձեռնությամբ Զապորոժյե մարզում «Կյանքի արահետ»-ում ծառատունկ է տեղի ունեցել՝ նվիրված հայոց Ցեղասպանության 102-րդ տարելիցին։
Զապորոժյեում գտնվող հայկական եկեղեցու դիմաց գտնվող պուրակում 102 ծառ է տնկվել։ Ակցիային մասնակցել են շրջանի մոտ 50 հայ ընտանիքները։
Հայոց Ցեղասպանության 102-րդ տարելիցին նվիրված թեմատիկ միջոցառումներին ակտիվ մասնակցություն են ցուցաբերում նաեւ Ուկրաինայի հայկական երիտասարդական կազմակերպությունների ակտիվիստները։
Ինչպես հայտնել է Ուկրաինայում հայ երիտասարդական միության նախագահ Հովակիմ Հարությունյանը՝ միջոցառումների շրջանակներում նախատեսվում են ֆլեշմոբեր, փաստագրական ֆիլմերի ցուցադրություններ, հայոց Ցեղասպանության զոհերի հիշատակին նվիրված խաչքարերի մոտ ծաղիկներ կդրվեն։ Հայկական կիրակնօրյա դպրոցներում թեմատիկ դասեր տեղի կունենան։
Ապրիլի 24-ին Ուկրաինայում հայոց Ցեղասպանության զոհերի համար Ուկրաինայի հայ առաքելական եկեղեցին պատարագ կմատուցի։ Կիեւում ծառայությունը տեղի կունենա Սուրբ Ալեքսանդրի տաճարում, ժամը 13։00-ին։
Այդ օրը միլիոնավոր ամբողջ աշխարհում հայեր իրենց հարգանքի տուրքը կմատուցեն Օսմանյան Թուրքիայում տեղի ուենցած հայոց Ցեղասպանության զոհերի հիշատակին։ Կիեւում Ուկրաինական տանը կբացվի «Տակ ցե Գենոցիդ» անվամբ ցուցահանդեսը, որը կազմակերպել է Կիեւի հայ համայնքը։
Ապրիլի 25-ին Գլինկայի անվան Զապորոժյեի համերգասրահում ռեքվիեմ համերգ տեղի կունենա, որտեղ ելույթ կունենան Ուկրաինայում բնակվող մի շարք հայ կատարողներ։
