Հայաստանում ապրիլի 21 – 23-ը չորրորդ անգամ կանցկացվի InTourExpo – 2017 ցուցահանդեսը: Ապրիլի 18-ին՝ լրագրողների հետ հանդիպման ժամանակ այս մասին ասաց EXPO GROUP ընկերության հիմնադիր տնօրեն Վահագն Միրիջանյանը:
Նրա խոսքով՝ ցուցահանդեսը չի անցկացվի միջազգային մասշտաբով, բայց կանցկացվի միջազգային մակարդակով: «Տարեցտարի մենք դրական դինամիկա ենք գրանցում: Այս տարի InTourExpo – 2017 ցուցահանդեսի կարեւոր գործընկերը կլինի Ռուսաստանը: Մասնակիցներ կունենանք նաեւ Իանից, Վրաստանից, Եգիպտոսից: Ցուցահանդեսին կմասնակցեն տեղական ընկերություններ»,- նշեց Միրիջանյանը: