Ֆրանսիայի ՆԳՆ-ն հայտարարել է Մարսելում երկու տղամարդու ձերբակալության մասին, որոնց կասկածում են «առաջիկա օրերին» Մարսելում ահաբեկչություն նախապատրաստելու մեջ, հաղորդում է RFI-ին։
Ինչպես հաղորդել է Ֆրանսիայի ներքին գործերի նախարար Մատիաս Ֆեկլը՝ երկու տղամարդիկ (1987 եւ 1993 թվականների ծնված) ձերբակալվել են երեքշաբթի առավոտյան Ֆրանսիայի ներքին անվտանգության գլխավոր վարչության (DGSI) եւ ոստիկանական հատուկ նշանակության ջոկատի կողմից։
Le Monde-ն հայտնել է, որ ձերբակալությունը տեղի է ունեցել Փարիզում բացված «հանցավոր ահաբեկչական հանրության ստեղծման» փաստի հետաքննության շրջանակներում։
Ոստիկանությունում պարբերականի աղբյուրները հայտնել են, որ կասկածյալներին որոնել են «անցյալ շաբաթվա վերջից»։ Նախկինում նրանք բանտում են եղել, որտեղ էլ «արմատականացվել են», իր հերթին հայտարարել է Ֆրանսիայի ՆԳ նախարար Մատիաս Ֆեկլը։