Սան Ֆրանցիսկոյում ընթացող մշակողների F8 համաժողովի ընթացքում Facebook ընկերությունը հայտարարել է ցանցում Spotify եւ Apple Music երաժշտական սթրիմինգային ծառայությունների ինտեգրման մտադրության մասին, փոխանցում է Life-ը: 

Facebook Messenger ստորաբաժանման ղեկավար Դեւիդ Մարկուսի խոսքով՝ օգտատերերը շուտով կկարողանան անձնական հաղորդագրությամբ միմյանց հետ երաժշտական կոմպոզիցիաներ փոխանակել:

Նոր ծառայության գործարկման ժամկետի մասին չի հաղորդվում: Հայտնի է միայն, որ Facebook-ի լսարանը հասանելիություն կստանա Spotify-ի կատալոգին: Հավելվածում օգտատիրոջ կոնկրետ կարգավորմամբ կոմպոզիցիայի ընտրության հնարավորություն կլինի: Apple Music-ի ինտեգրումն ավելի ուշ կկատարվի: