Կենտրոնասիական տարածաշրջանը կմտնի ՀԱՊԿ-ի հակաօդային եւ հակահրթիռային պաշտպանության միասնական համակարգի մեջ: ՀԱՊԿ-ի Ռազմական կոմիտեի նիստից հետո այս մասին լրագրողներին հայտնել է ՌԴ Զինված ուժերի Գլխավոր շտաբի պետ, բանակի գեներալ Վալերի Գերասիմովը, փոխանցում է «ՌԻԱ Նովոստի»-ն:
Նրա խոսքով՝ ՀԱՊԿ անդամ երկրների զինված ուժերի գլխավոր շտաբների պետերը նիստի ժամանակ քննարկել են «ՀԱՊԿ-ի հավաքական անվտանգության տարածաշրջաններում ռազմա-քաղաքական իրավիճակի զարգացման խնդիրները, որոշել են գոյություն ունեցող խնդրահարույց հարցերի լուծման ճանապարհները եւ քննարկել են այս տարի ռազմական պատրաստության առաջիկա միջոցառումները»:
«Առանձին հարցով մշակել ենք եւ հետագայում էլ կզարգացնենք ՀԱՊԿ-ի հակաօդային եւ հակահրթիռային պաշտպանության միասնական համակարգի ստեղծման թեման: Հիմա Բելառուսի եւ Հայաստանի հետ երկկողմ համաձայնագրեր էն կնքված եւ ՀՕՊ միասնական համակարգ է ստեղծված: Հերթում է նման միասնական համակարգի ստեղծումը Կենտրոնասիական տարածաշրջանում»,- ասել է Գերասիմովը: