Երեք մարդ է զոհվել եւ եւս վեցը վիրավորվել են Չինաստանի Շանդուն նահանգում խճաքար փոխադրող բեռնատարի շրջվելու հետեւանքով։ Այս մասին հաղորդում է «ՌԻԱ Նովոստի»-ն՝ վկայակոչելով «Սինխուա» գործակալությանը։

Վթարը տեղի է ունեցել գիշերը, Ցզինան քաղաքի Լիչեն շրջանում։ Բեռնատարը շրջվել է ճամփեզրի մոտ, որից հետո խճաքարը թափվել է ու վնասել այնտեղ գտնվող ժամանակավոր կացարանը, որտեղ քնած էին 9 բանվորներ։

Վթարի պատճառները պարզաբանվում են։