Մինսկի ու Մոսկվայի ձեռք բերած նավթագազային պայմանավորվածությունները կողմերի փոխզիջում են, այլ ոչ թե «խաղ միեւնույն դարպասում»։ Այս մասին հայտարարել է Բելառուսի նախագահ Ալեքսանդր Լուկաշենկոն՝ ՌԴ Նիժեգորոդի մարզի նահանգապետ Վալերի Շանցեւի հետ հանդիպման ժամանակ, հաղորդում է «ՌԻԱ Նովոստի»-ն։

«Կարդում ու հետեւում եմ այդ բոլոր մտորումներին ու մտածում՝ միթե Պուտինն ու Ռուսաստանի կառավարությունը չեն հասկանում, թե ինչ են անում։ Հավանաբար այնտեղ քննարկում են, այն էլ ինչպես։ Դա միեւնույն դարպասի խաղ չէ, փոխզիջում է ձեռք բերվել։ Ոչ, ինչ-որ մեկը պետք է մի գդալ կուպրը մեղրի տակառ նետի», - հայտարարել է Լուկաշենկոն։

Բելառուսի առաջնորդը հիասթափություն է հայտնել, որ «հարցերը նորմալ լուծելուց հետո, հատկապես Պիտերից հետո (երբ նախագահները պայմանավորվեցին ՌԴ-ից Բելառուս նավթի ու գազի մատակարարման մասին), լրատվամիջոցներում տարբեր մտորումներ են հայտնվում, թե ով ում է խաբել, «իսկ ահա մենք կրկին ծնկի եկած Ռուսաստանից ինչ-որ բան ենք խնդրում» եւ այլն»։ 

«Մենք ոչ ոքի առաջ երբեք ծնկի չենք եկել», - հայտարարել է նա։