ՀՀ արտաքին գործերի նախարարարությունում ապրիլի 19-ին, տեղի են ունեցել քաղաքական խորհրդատվություններ Հայաստանի եւ Ռուսաստանի ԱԳ նախարարությունների միջեւ: Հայկական կողմը գլխավորում էին ՀՀ ԱԳՆ Սպառազինությունների վերահսկման ու միջազգային անվտանգության վարչության պետ Գագիկ Հովհաննիսյանը եւ Եվրոպայի վարչության պետ Գագիկ Ղալաչյանը, իսկ ռուսական կողմը՝ Ռուսաստանի ԱԳՆ Համաեվրոպական համագործակցության դեպարտամենտի տնօրեն Անդրեյ Կելինը:

Հայաստանի ԱԳՆ-ից NEWS.am-ին հայտնում են, որ խորհրդատվություններին կարծիքներ փոխանակվեցին համաեվրոպական համագործակցության ու անվտանգության արդի խնդիրների եւ դրանց լուծումներ գտնելու հնարավորությունների շուրջ: Անդրադարձ կատարվեց նաեւ համաեվրոպական կառույցների շրջանակներում ծավալվող գործընթացներին:

Խորհրդատվությունների ավարտին ռուսաստանյան պատվիրակությանը հանդիպեց ԱԳ նախարարի տեղակալ Աշոտ Հովակիմյանը։

Նույն օրը Աշոտ Հովակիմյանը եւ Անդրեյ Կելինին Հայաստանի արտգործնախարար Էդվարդ Նալբանդյանին ներկայացրին խորհրդատվությունների արդյունքները։