Փարիզում սկսվել է ջիհադիստական խմբին հարելու մեջ կասկածյալների դատավարությունը, որի անդամները 2012 թվականին ահաբեկչություն իրակացրեցին եւ նոր ահաբեկչություններ էին ծրագրում։ Այս մասին հաղորդում է RFI-ն՝ վկայակոչելով AFP-ին։
23-33-ամյա դատապարտյալները ներկայացել են ատենակալների հատուկ դատարանում, որը քննում է ահաբեկչության վերաբերյալ գործերն ու կազմված է բացառապես պրոֆեսիոնալ դատավորներից։ 10 մեղադրյալներ նախնական կալանքի տակ են գտնվում, 7-ը՝ ազատության մեջ, դատական վերահսկողությամբ, եւս երկուսը ենթադրաբար գտնվում են Սիրիայում, իսկ մեկը փախուստի մեջ է։ Նրանց վերաբերյալ գործընթացը կարող է երկարաձգվել մինչեւ հուլիս։
Այս ջիհադիստական միջուկը հատուկ ծառայություններն անվանել են ամենավտանգավորը Ֆրանսիայում՝ 1995 թվականի «Զինված իսլամական խմբի» (GIA) ահաբեկչություններից ի վեր։
