Չինաստանի արեւելքում գտնվող Յանչժոու քաղաքում դաժան սպանություն է տեղի ունեցել ընտանեկան հակասությունների պատճառով։ Չորս մարդ է զոհվել, եւս մեկը վիրավորվել է։ Ինչպես հայտնել է տեղի ոստիկանությունը՝ ողբերգությունը տեղի է ունեցել Յանչժոու քաղաքի Գուանլինգ շրջանում, կեսօրին։
Կասկածյալը Դուան անվամբ 40-ամյա տղամարդն է, հաղորդում է «Սինխուա»-ն։ Նախնական հետաքննության տվյալներով՝ սպանության դրդապատճառ է հանդիսացել ընտանեկան հակասությունների սրացումը։ Հանցագործությունից հետո կասկածյալն ինքն իրեն մարմնական վնասվածքներ է հասցրել ու հիվանդանոց տեղափոխվել։