Apple Կորպորացիան ստեղծել է արհեստական քրտինք, որպեսզի ստուգի Apple Watch ժամացույցի ներգործությունը մարդու մաշկի հետ շփման ժամանակ, գրում է Meduza.–ն։

Apple-ը բացատրում է, որ չժանգոտող մետաղի ու մյուս խառնուրդները պարունակում են նիկել։ Քանի որ շատերը նիկելի հանդեպ ալերգիա ունեն, ընկերությունը ստուգում է, թե որքան արագ  կարող է այդ մետաղը հայտնվել մարդու քրտնքի մեջ Apple Watch–ի դետալների հետ շփման ժամանակ։

Փորձի ժամանակ ժամացույցն ու մյուս առանձին էլեմենտները իջեցրել են արհեստական քրտինքով լի բանկաների մեջ, իսկ հետո դրանք դրել ինկուբատորի մեջ, որը մարդու մարմնի ջերմաստիճանն է պահպանում։ Օրինակ շղթաները նման պայմաններում պահում են մեկ շաբաթ, իսկ հետո ուսումնասիրում դրանք։

Թե արհեստական քրտինքը ինչից է բաղկացած, ընկերությունը չի հայտնում։ 2016-ի մարտին Apple–ը ցույց էր տվել Liam ռոբոտը, որը քանդում է հին այֆոնները ու դրանցից հանում այն դետալները ,որոնք հնարավոր է նորից օգտագործել։ Ընկերության տվյալներով՝ 100 հազար iPhone 6 –ից ռոբոտը հանում է գրեթե երկու տոննա ալյումինիում, 800 կգ պղինձ, 1․3 կգ ոսկի ու 400 գրամ պլատինային խմբի մետաղներ։ Այդ ալյումինիումը հետագայում գործածվում է Mac mini-ի կորպուսների արտադրության մեջ։